Hopi hende no por imagina kuantu tipo diferente di
bestianan tin aki na Korsou.
Un 1000-Pia ta un di e bestia ku no ta mira frekwentemente.
Nan tei mas tantu tempu di awaseru.
E 1000-Pia tin kolor maron/kora of pretu i tin HOPI pia.

Temporada di bon awaseru nan por krese bon i bira 10 cm.
Nan no tin 1000 pia pero kompara ku un Linsinbein di
38 pia e 1000-Pia tin 180 pia.
Na kada segmento di largura di su kurpa e tin 4 pia.
Nan ta bestia ku ta des-orienta masha lihe.
Espesialmente ora nan sali for di nan habitat.
E 1000-Pia ku des-orienta ta kuminsa kana ront den sirkulo.
Su habitat ta luganan humedo, area di mata-nan i palu bieuw.
E ta kome mata putri, rais putri tin bia blachi tambe.
E no ta pika pero ta saka un likido stinki ku ta mata
otro Insektonan. Esaki ta su defensa.

BACK-( KRUSTASIO )

Dalakochi i Mas

HOME-PAGE