Esaki ta un Mot hopi pekuliar.
Riba su kabes tin un bulto anto riba e bulto tin algu paresido
ku un kwashi. E kwashi aki ta para regt riba e kabes i ta pone-bo
korda riba e tipo di Sombre ( helmo ) di e Solda-nan Romano.
Aparte di esaki e tin 2 kwashi mas riba lomba ( hopi chiki ).
E Mot aki tin un grandura di 2 te 2.5 cm di grandura.
Su kolor-nan ta Krem-light, Maron i Pretu.
Nos tin ku bisa ku e kolor Krem-light ta resalta mas, hasiendo
e Mot aki riparablemente mas swave kompara ku su " ruman "
ku jama: " Solda di Roma ( Pretu )" ku NO tin e Krem-light den su kolor.
Bai riba e Link " Solda di Roma ( Pretu )" pa kompara.
E foto mas abou ta ilustra e Kokun ( Krisalys ) di e Mot aki.
Mot-nan sa tin ( depende di e Speci [tipo o rasa] ) distinto kustumber
di bai komo Rups ( momento di Metamorphosis ) kologa kabes abou
na blachi o taki, den shushi o den tera o na pieda pa konverti den un
krisalys. Den kaso di esun-aki e ta usa semper taki fini di jerba.
E kodigo riba e foto-nan tin e letter " R " na final. Esaki ta indika ku
e Mot a wordu Krisalysa kompletamente serka nos mes na kas.